aus da lameng.

a her, du, metropolregion rhein-neckar, bald hosch misch widda!

geschtan hewwi ebbes gedroamt vunnda. do hewwema gebabbelt, wi uns de schnawwl gwachse isch:

du: „un, wie?“
un isch: „ahjo. un selwa?“

sou oft hebb isch gscholde üwwa disch, do hewwisch imma gedenkt, des sin doch alles nur simbl, do! awwa jetzad isch alles widda gut; häddisch liwwa mol mei gosch ghalde. isch froi mi uffd leit, wu bei da wohne, un wie die halt so schwetze, uffde kerscheblotzer vunn de mamme un de woi em wingert em summa. isch wolld jo zudda nuff fahre un en diele uffd kerwe geh un ä paa foddos vunn de kerweschlumbl mache, um misch schun ämol widda ä bissl eizugwöhne, awwa dann hewwi doch käh zeit ghabt.

lang gedauert hoddes, bis des klar war mit uns, awwa wie heeßts imma? nur net huddle!

alla hopp, her, machs gut, gäh! mir sehe uns dann em mäzz.

Schreibe einen Kommentar

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s